Utilizacion de la plataforma

1. Creacion del compte

   Per començar, crear un compte sus la plataforma en emplenent lo formulari d'inscripcion (ligam en naut a dreita d'aquesta pagina).

   Lo mot de passa deu conténer entre 8 e 20 caractères.

   Pels còps seguents, utilizatz los identificants causits (pseudonime e mot de passa) per vos connectar a vòstre compte.

2. Enregistrar una frasa

   Un còp lo compte creat, seretz menats sus la pagina d'enregistrament.

   1. Picar la frasa que volètz enregistrar dins la zòna de tèxte.

      Atencion, las frasas devon far mens de 255 caractères (a l'entorn de doas linhas e mièja) e èsser escritas en grafia normalizada. Tanben, pensatz plan d'enregistrar pas qu'una frasa a l'encòp.

      Podètz tanben clicar sul boton Generar una frasa per n'obténer una automaticament (la poiretz corregir se correspond pas exactament al vòstre parlar).

   2. Verificar que lo parlar seleccionat correspond plan al vòstre parlar.

      Se volètz ajustar un parlar, podètz clicar sul boton que correspond.

   3. Clicar sul boton Començar l'enregistrament per començar la captura. Se lo navigator o demanda, vos calrà acceptar l'accès a vòstre microfòne.

   4. Utilizar lo boton Acabar l'enregistrament per acabar la captura.

      Poiretz puèi tornar escotar l'enregistrament. Se vos conven pas, clicar sul boton Tornar enregistrar per o tornar far.

      Quand seretz satisfait, utilizar lo boton Validar e mandar l'enregistrement.

3. Rubrica Mon Compte

   Dins aquela seccion, trobaretz qualques estatisticas sus vòstre compte e d'opcions de configuracion :

   • Ajustar un parlar.
   • Modificar un parlar existent (cambiar lo nom o ajustar de precisions).
   • Modificar vòstre mot de passa.
   • Teledescargar los fichièrs de las frasas qu'avètz enregistradas.
     Los fichièrs seràn teledescargats jos la forma d'un archiu compressat (fichièr ZIP). Trobaretz tanben dins l'archiu un fichièr CSV amb las informacions que pertòcan cada fichièr (transcripcion, parlar, data d'enregistrament...) que poiretz obrir amb lo separator ";".

En cas de problèma, podètz clicar aquí per contactar Lo Congrès.