Utilizacion de la plataforma

1. Creacion d'una classa

   Veire la video sus la creacion d'una classa

   Per començar, crear un compte sus la plataforma en emplenent lo formulari d'inscripcion (ligam en naut a dreita d'aquesta pagina, o amb lo boton Crear un compte per una classa sus la pagina d'acuèlh).

   Los mots de passa devon conténer entre 8 e 20 caractères.

   Lo parlar creat serà lo parlar utilizat per totes los escolans de la classa. Aquel parlar poirà puèi èsser modificat pel professor de la classa.

2. Configuracion de la classa

   Veire la video sus la configuracion de la classa

   Un còp la classa creada, seretz menats sus la pagina d'administracion de la classa.

   Per començar vos conselham d'ajustar d'escolans a la classa. Aqueles escolans se poiràn connectar a la plataforma amb los identificants de la classa (nom de la classa e mot de passa) mas auràn pas accès a las opcions d'administracion.

   Sus aquesta pagina traparetz tanben las opcions d'administracion de la classa. Aquí poiretz teledescargar los enregistraments faches pels utilizators de la classa (individualament o dins la totalitat).

   La pagina estatisticas es a disposicion per vos permetre de veire lo nombre d'enregistraments fach per cada escolans sus un periòde donnat.

   Poiretz tornar sus aquesta pagina mai tard amb lo ligam Administrar la classa en naut a dreita de la pagina (lo mot de passa del professor vos serà demandat).

3. Connexion a una classa

   Veire la video sus la connexion a una classa

   Per vos connectar a una classa, utilizar lo ligam Connexion en naut a dreita de la pagina d'acuèlh de la plataforma e connectatz-vos amb lo nom de la classa e son mot de passa.
   Aquestes indentificants son communs a totes los escolans de la classa.

   Seleccionatz vòstre compte dins la tièra prepausada.

4. Enregistrar una frasa

   Veire la video sus l'enregistrament

   Un còp connectat a la classa, vos caldrà causir vòstre nom dins la tièra prepausada e seretz puèi menats sus la pagina d'enregistrament.

   1. Picar la frasa que volètz enregistrar dins la zòna de tèxte.

      Atencion, las frasas devon far mens de 255 caractères (a l'entorn de doas linhas e mièja) e èsser escritas en grafia normalizada. Tanben, pensatz plan d'enregistrar pas qu'una frasa a l'encòp.

      Podètz tanben clicar sul boton Generar una frasa per n'obténer una automaticament (la poiretz corregir se correspond pas exactament al vòstre parlar).

   2. Clicar sul boton Començar l'enregistrament per començar la captura. Se lo navigator o demanda, vos calrà acceptar l'accès a vòstre microfòne.

   3. Utilizar lo boton Acabar l'enregistrament per acabar la captura.

      Poiretz puèi tornar escotar l'enregistrament. Se vos conven pas, clicar sul boton Tornar enregistrar per o tornar far.

      Quand seretz satisfait, utilizar lo boton Validar e mandar l'enregistrement.

   4. Per cambiar d'escolan, picar lo boton en naut que ditz Cambiar d'utilizator. Causissètz lo nom de la persona novèla dins la tièra, e asseguratz-vos que son nom aparesca après Escolan connectat : dins la pagina seguenta

Los utís que pòdon ajudar a bastir un projècte pedagogic

• Dicod'Òc : un diccionari francés-occitan e occitan-francés en linha per verificar son ortografia.
• Vèrb'Òc : un conjugator de vèrbes que permet de trobar sul pic la conjugason integrala de cada vèrbe occitan.
• Corrector ortografic : un corrector ortografic occitan per Firefox e Chrome.
• Fonetizaire : un utís que transcriu frasas occitanas en AFI (alfabet fonetic internacional).

---

En cas de problèma, podètz clicar aquí per contactar Lo Congrès.