Espaci contributiuQue vs'agradan e qu'utilizatz las aplicacions desvolopadas peu Congrès, e que'ns voletz ajudar a anar mei luenh ? Que'vs tienetz on cau.
Mercés a la vòsta ajuda qu'avançarà mei lèu e mei luenh lo desvolopament d'aplicacions, de servicis e de foncionalitats utilas a la vita vitanta de tots los occitans.
Tau tractament automatic deu lengatge, sustot quan utiliza l'intelligéncia artificiau, que i a besonh ua grana quantitat de dadas. Mes l'occitan qu'ei ua lenga dita « pauc dotada », qu'ei a díser qu'a pauc de ressorsas linguisticas numericas a disposicion.
En per'mor d'açò, Lo Congrès que demanda l'ajuda de la comunautat tà bastir las ressorsas necessàrias au desvolopament deus sons utís numerics.
Entà obtiéner dadas en quantitat sufisenta, qui sian representativas de la diversitat deus locutors de l'occitan, qu'avem besonh la vòsta ajuda.
Ací devath qu'avetz los projèctes peus quaus Lo Congrès a aviat un aperet a contribucions.
Enregistrar frasas qui escrivetz o generadas automaticament.
Qu'ajudarà a desvolopar un utís qui analisa la votz umana e la transcriu en tèxte. La reconeishença vocau qu'ei utilizada tau sostitolatge automatic, taus assistents intelligents...
Enviar vidèos en occitan sostitoladas en occitan.
Qu'ajudarà a desvolopar un utís qui analisa la votz umana e la transcriu en tèxte. La reconeishença vocau qu'ei utilizada tau sostitolatge automatic, taus assistents intelligents...
Participar a la collècta de dadas tà entraïnar los utís
Qu'avètz tèxtes vostes, qu'ètz autor o editor de contengut (obratges, sites web, enregistraments, vidèos...), que'us podètz versar au noste còrpus globau, qui serveish tà tots los utís. Contactatz-nse a info@locongres.com o au 05 32 00 00 64.
Picar nombres en letras e verificar la lor conversion.
Qu'ajudarà a desvolopar un utís qui passarà las nombras en chifras tà la reconeishença vocau, ua aplicacion qui analisa la votz umana e la transcriu en tèxte.
Que podetz ajudar lo Congrès en hant un don sus la platafòrma apitada tad aquò har. Aqueths dons que serviràn a crear foncionalitats, o aplicacions navèras.